Acta Pacis Westphalicae II A 5 : Die kaiserlichen Korrespondenzen, Band 5: 1646 - 1647 / Antje Oschmann
Ihr werdet ausser zweifel aus deß Mändels anbringen sambt mein darüber
gegebenen bescheidt mit mehrerm vernommen haben, in was standt die
sachen mit des churfürsten liebden begriffen. Seither haben ihr liebden mir
weiter zuegeschriben, wie die beylag sub litera A vermag, so ich mit negstem
beantworten unnd euch alßdan selbe gleichfals communicieren will
weniger, so ersehet ihr auß den anderen beylagen sub literis B, C und D,
waßgestalten er, Mändl, auf obgedachten bescheidt repliciert und bey deret-
wegen mit ihme gehaltner mündtlichen conferenz vorgewandt, wie auch sub
E, wie ich ihne entlichen bescheiden lassen. Unnd |:weil ich nun in die leng
des churfürsten liebden mich nit versichern kan, also habt ihr umb so viel
mehr, wan sich ernstliche aperturen geben, das friedenswerck, massen ihr
ohnedaß an euch nichts erwinden lasst, zu stringiren:|.