Acta Pacis Westphalicae III B 1,1 : Die Friedensverträge mit Frankreich und Schweden, 1. Teil: Urkunden / Antje Oschmann
Universis et singulis, quorum interest, notum sit, quoniam circa subscriptio-
nem instrumentorum pacis toti conventui
cuerat, ut pro maiori eorum fide ac robore plenipotentiae Caesareanorum et
regiorum legatorum eisdem insererentur, ex parte vero electorum, principum
et statuum Imperii in quaestionem venerat, quinam nomine eorum dictis in-
strumentis obligatorie subscriberent et quid loco plenipotentiae eorum foret,
idcirco post habitam ea de re maturam deliberationem et pro more Imperii
subsecutam re- et correlationem a tribus Imperii senatibus collegialiter decre-
tum est, ut dicta pacis instrumenta ab iis, qui hactenus Osnabrugis et Mona-
sterii ad negotia pacis cum regnis Sueciae Galliaeque tractanda et conclu-
denda specialiter deputati fuerant, nimirum electorali Moguntino domino Ni-
colao Georgio de Raigersberg, equite, cancellario; electorali Bavarico domino
Joanne Adolpho Krebs, consiliario intimo; electorali Brandenburgico domino
Joanne comite in Sain et Witgenstein, domino in Homburg et Vallendar, con-
siliario intimo; nomine domus Austriacae domino Georgio Ulrico comite a
Wolckenstein, consiliario Caesareo-aulico; domino Cornelio Gobelio, epi-
scopi Bambergensis consiliario; domino Sebastiano Wilhelmo Meel, episcopi
Herbipolensis consiliario intimo; domino Joanne Ernesto, ducis Bavariae
consiliario aulico; domino Wolffgango Conrado a Tumbshirn, consiliario au-
lico Saxonico-Altenburgensi et Coburgensi; domino Augusto Carpzovio,
consiliario Saxonico-Altenburgensi et Coburgensi; domino Joanne Fromb-
hold, domus Brandenburgicae Culmbacensis et Onoltzbacensis consiliario in-
timo; domino Henrico Langenbeck, iurisconsulto, domus Brunsvico-Lunae-
burgicae lineae Cellensis consiliario intimo; domino Jacobo Lampadio, iuris-
consulto, lineae Calenbergensis consiliario intimo et procancellario; nomine
comitum scamni Wetteraviensis domino Matthaeo Wesenbecio, iurisconsulto
et consiliario; nomine utriusque scamni civitatensis domino Marco Ott, Ar-
gentoratensis, domino Joanne Jacobo Wolff, Ratisbonensis, domino David
Gloxinio, Lubecensis, et domino Jodoco Christophoro Kress a Kressenstein,
Norimbergensis reipublicae, respective syndicis, senatoribus, consiliariis et
advocatis, caeterisque eorum collegatis, qui vellent, nomine totius Imperii
subscriberentur et ab omnium subscribentium principalibus ad formam con-
ventam ratihaberentur et ut haec subscriptio et ratihabitio universum Impe-
rium non minus obligarent, quam si a singulis statibus factae fuissent, ac tan-
dem, ut hoc conclusum foederatorum regnorum legatis sub sigillo cancella-
riae Moguntinae solenniter extraderetur.
Ita actum et conclusum esse Monasterii anno Domini 1648 die 3./13. Octobris
hisce attestatur directorium Moguntinum.
( Siegel)
Cancellaria Moguntina