Acta Pacis Westphalicae III C 2,1 : Diarium Volmar, 1. Teil: 1643 - 1647 / Joachim Foerster und Roswitha Philippe
Donnerstag Jouis 20. huius conuenerunt nos Hispani et, quae
hesterna die cum mediatoribus super communicatione Gallorum nouae
plenipotentiae egissent, significarunt. Nimirum perlegisse ipsos scripturam
Gallicam praesentibus adhuc mediatoribus statimque ad illa verba, ubi de
pace inter Caesarem eiusque socios ex una, regem Galliae eiusque faederatos
et adhaerentes ex altera parte facienda disponitur, monuisse modum loquen-
di immutatum, retineri tamen priorem sensum, id scilicet agi, ut omnes con-
faederati et adhaerentes, inter quos Gallos status etiam imperii adnumerare
turn ex aliis tum ex nouissimis ipsorum literis clarissime constet, cum Gallo
pro una parte contra Caesarem constituantur atque adeo ab omni Caesaris
obedientia auocentur. Futurum, ut dominus nuncius, quod haec talia maxi-
mam partem haereticorum postulata concernant, ab omni prorsus inter-
positione intercludatur, noua rerum omnium confusio suboriatur, ventura
aestate status imperii tanquam socii faciendae pacis se etiam socios belli
Gallorum gerant aut certe Caesari auxilia omnia negent, reliquarum coro-
narum auctoritas eleuetur. Veneti ipsi, cum caussam Mantuanam cum tot
Galliae faederatis coniunctam viderint, necessitatem sibi impositam sensuri
sint praesidia sua deducendi legesque a Gallis praescriptas amplectendi.
Huiusmodi se persuasionibus effecisse putare, ut mediatores omnino Gallis
autores sint futuri, ut clausulam istam prorsus tollant aut sane ad modum ab
ipsis Hispanis indicatum emendent.
Nos: Et dudum haud disparia nos ad aulam Caesaris monuisse et nunc etiam
par periculum animaduertisse, itaque firmiter proposuisse inhaerere nos velle
formulae a Caesare praescriptae. In crastinum duntaxat nos a collegis nostris
Osnaburgi expectare, quid Caesar circa plenipotentiam Suecicam fieri velit.
Eam si acceptauerit, omni contradictione remota saluam nobis quoque rem
fore eoque maiori argumento nos urgere Gallos posse, ut et ipsi eadem
terminorum praedictorum positione contenti sint.
hesterna die cum mediatoribus super communicatione Gallorum nouae
plenipotentiae egissent, significarunt. Nimirum perlegisse ipsos scripturam
Gallicam praesentibus adhuc mediatoribus statimque ad illa verba, ubi de
pace inter Caesarem eiusque socios ex una, regem Galliae eiusque faederatos
et adhaerentes ex altera parte facienda disponitur, monuisse modum loquen-
di immutatum, retineri tamen priorem sensum, id scilicet agi, ut omnes con-
faederati et adhaerentes, inter quos Gallos status etiam imperii adnumerare
turn ex aliis tum ex nouissimis ipsorum literis clarissime constet, cum Gallo
pro una parte contra Caesarem constituantur atque adeo ab omni Caesaris
obedientia auocentur. Futurum, ut dominus nuncius, quod haec talia maxi-
mam partem haereticorum postulata concernant, ab omni prorsus inter-
positione intercludatur, noua rerum omnium confusio suboriatur, ventura
aestate status imperii tanquam socii faciendae pacis se etiam socios belli
Gallorum gerant aut certe Caesari auxilia omnia negent, reliquarum coro-
narum auctoritas eleuetur. Veneti ipsi, cum caussam Mantuanam cum tot
Galliae faederatis coniunctam viderint, necessitatem sibi impositam sensuri
sint praesidia sua deducendi legesque a Gallis praescriptas amplectendi.
Huiusmodi se persuasionibus effecisse putare, ut mediatores omnino Gallis
autores sint futuri, ut clausulam istam prorsus tollant aut sane ad modum ab
ipsis Hispanis indicatum emendent.
Nos: Et dudum haud disparia nos ad aulam Caesaris monuisse et nunc etiam
par periculum animaduertisse, itaque firmiter proposuisse inhaerere nos velle
formulae a Caesare praescriptae. In crastinum duntaxat nos a collegis nostris
Osnaburgi expectare, quid Caesar circa plenipotentiam Suecicam fieri velit.
Eam si acceptauerit, omni contradictione remota saluam nobis quoque rem
fore eoque maiori argumento nos urgere Gallos posse, ut et ipsi eadem
terminorum praedictorum positione contenti sint.