Acta Pacis Westphalicae III B 1,2 : Die Friedensverträge mit Frankreich und Schweden, 2. Teil: Materialien zur Rezeption / Guido Braun, Antje Oschmann und Konrad Repgen
Lemma:
a-Ad Lectorem.
-a
QVandoquidem
nemini, citra S. Cæsareæ Majestatis & Eminentissimi D. Electoris Moguntini, utiq; S. Romani Imperij per Germaniam Archicancellarij, indultum, gratiam, & permißionem id genus Actorum
, quæ quidem sub universali S. Romani Imperij apud Osnabrugim conventu in tractatus venerunt, typis publicandi concessa facultas. Nihilominus ex transverso alter & alter emergit, qui Pacificationis illius nuperrimè inter S. Cæs. Majest: & Reg. Majest. Sveciæ, Instrumentum typis & quidem citra legitimam Autographi repræsentationem evulgare conatur.
Proinde tam S. Cæsarea Majest: quam Eminentißim. D. Elector Moguntinus, tanquam per Germaniam Archicancellarius, è singulari Cæsarea, & Electorali gratia, Philippo Iacobo Fischero Reipubl. Mœno-Francofurtensis Senatori, licentiam dederunt amplißimam. Hic ut secundum Imperij, & universalis Pacis Tractatuum, Archivum, communicatúmq; Autographum, solus hanc editionem procuraret. Cæteri autem omnes ab hujus operis impreßione se abstinerent. Nisi in poenam quinque Marcarum auri puri incurrere mavelint. Prout ejus rei insequentia S. Cæs. Majest: & Eminentißimi D. Electoris Privilegia fidem faciunt amplißimam. Hoc nomine, nequis ignorantiam deinceps prætendere ausit, illud utiq́; erat præsignificandum.