Acta Pacis Westphalicae III B 1,2 : Die Friedensverträge mit Frankreich und Schweden, 2. Teil: Materialien zur Rezeption / Guido Braun, Antje Oschmann und Konrad Repgen
Lemma: Confirmata Electoralis Concessio.
Eminentissimo
Principi ac D.D. Iohanni Philippo S. Sedis Moguntinæ Archiepiscopo, S. Romani Imperij per Germaniā Archicancellario & Electori, Episcopo Herbipolitano & Franconiæ Duci &c. Domino nostro clementissimo, humillima, qua par est, submissione referri ccepit, quem in modum non minus Eminentissimus Princeps ac D.D. Anselmus Casimirus, Archiepiscopus Moguntinus & Elector, pientiss. mem.
æ dum viveret, ad implorationē Philippi Iacobi Fischeri, Reipubl: Francofurtensis senatoris, eidem super editione jam diu desideratæ Pacis Tractatuum, eorundémque, ceu spes est, mox insecuturæ Conclusionis clementissimam indulsisset Concessionem. Et quo pacto prænominatus Fischerus ab immaturo beati D. Electoris excessu, super ejus Confirmatione, institisset. Prout nunc igitur Clementissi: D.D. Elector ab illis, quæ quidem per laudatissimi nominis apud sedem Moguntinam Antecessorem, super prædictis id genus Pacis Tractatibus, & Conclusione, communi Reipublicæ bono laudabiliter concessa constitutaque sunt, nulla ratione recedere cogitat. Proinde denuò, vigore præsentium literarum, supra dictam Concessionem proprio non minus nomine, clementissimis validissimisq́; verbis confirmat; îta
quidem, & hoc pacto, ut prædictorum Pacis Tractatuum Recessuumq́ue impressio, apud sedem suam Archiepiscopalem, quæ utique est Moguntiæ, Typis Nicolai Heyll, Sumptibus verò prænominati Philippi Iacobi Fischeri, hanc operam ultrò offerentis, ad unius cujusq́ue satisfactionem, perficit; Alias autem à nemine, quicunque tandem sit, & sub quocunque prætextu id fieri amet in ejus Impressionis & Impensæ fraudem ac detrimentum quicquam præsumi debeat. Signatum Würceburgi, XXV. Ianuarij Anno M.DC.XLVIII.
Johannes Philippus.
(Locus sigilli Electoralis.)