Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
35. Aufnahme des Grafen Nassau in den Orden vom Goldenen Vlies [1647 Juni (?)]
35
[1647 Juni (?)]
DH, Adami II fol. 197.
Comes Nassovius per manus comitis de Trautmansdorff Monasterii
Adami hat die Zeremonie auf Oktober 1645 datiert, irrt jedoch. Die Aufnahme in den Orden
kann erst kurz vor der Abreise Trauttmansdorffs (16. Juli 1647) erfolgt sein, wahrscheinlich im
Juni. König Philipp IV. von Spanien ordnete mit Schreiben vom 9. Mai 1647 an den Ordensschatz-
meister die Herausgabe eines Colliers für den Grafen Nassau an (freundliche Mitteilung des
Österreichischen Staatsarchivs, Abt. Haus-, Hof- und Staatsarchiv, Wien).
accepit vellus aureum ex regis catholici gratia in praesentia legationis
Hispanicae his fere cerimoniis:
Sedit in sedili Trautmansdorfius capite tecto; cuius iussu lectae literae
regiae patentes rogatusque Nassovius, num persisteret in desiderio suo
recipiendi ordinis? Qui cum respondisset, se maximi honoris ac beneficii
loco, quoad vixerit, habiturum regiam hanc gratiam atque in pedes erectus
coram Trautmansdorfio, quod paratissimus esset ad praestandum ea, ad
quae vigore ordinis huiusmodi obligaretur, ex libro ante se posito verbis
claris legisset, mox catholici regis in hoc actu locum tenens Trautmans-
dorfius hac oratione Nassovium affatur: Dominus noster rex, equitum
aurei velleris institutor, dux et caput, ob eximiam meritorum tuorum famam,
quam te non solum conservaturum, sed aucturum etiam confidit idque tum
in propriam laudem tuam, tum in honorem et exaltationem ordinis te
elegit ac denominavit, divina favente gratia, perpetuum fratrem et socium
iam dicti ordinis et amicae societatis. Necessarium itaque erit iurare in ar-
ticulos et puncta illa, quae nunc tibi praelegenda sunt. Interea Trautmans-
dorfius accepto de manibus secretarii sui nudato strictoque ense ter percus-
sit humerum sinistrum Nassovii dicens: Facit te Deus egregium equitem ad
laudem et gloriam nominis sui in honorem virginis matris suae et sancti
Georgii. Respondit Nassovius: Amen. Et osculato capulo gladii mox in
genua procumbens in praelectos sibi articulos iuravit, manu dextra crucem,
sinistra missale tangens. Factoque iureiurando ante Trautmansdorfium
flexit atque ab eo aureum vellus reverenter excepit, in hunc modum di-
cente : Recepit te ordo equitum velleris aurei in amicam suam societatem,
in cuius rei testimonium hoc tibi collare (ex quo propendebat vellus) confert.
Indulgeat Deus, ut illud quam diutissime gestare valeas pro honore et glo-
ria ipsius, pro exaltatione sanctae matris ecclesiae, in augmentum et hono-
rem ordinis tuorumque meritorum et bonae famae augmentum. In nomine
patris et filii et spiritus sancti. Subiunxit Nassovius: Amen, Deus mihi suam
det gratiam; ac post mutuas exosculationes recessum est.