Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
75. Stadt Münster an Chigi Münster 1644 August 25
75
Münster 1644 August 25
Reinschrift: A XIV 121a. Kanzleivermerk: Copia literarum ad reverendissimum et illustrissi-
mum dominum nuncium Apostolicum a senatu Monasteriensi pro expurgatione diffama-
tionis senatui imputatae, alß ob man zue der statt Coßfelt attacquirung hülff geleistet und
also dadurch die neutralitet gebrochen haben solte.
Widerlegung der Anschuldigung angeblicher Neutralitätsverletzung.
Reverendissime ac illustrissime domine, beatissimae sedis Apostolicae
legate dignissime!
Post devotissimam obsequiorum nostrorum oblationem cogit nos neces-
sitas , ut reverendissimae et illustrissimae dominationi vestrae exponamus,
quo pacto ad aures nostras delatum sit, reverendissimae et illustrissimae
dominationi vestrae necnon dominis plenipotentiariis christianissimi regis
Galliae simul et domino legato inclitissimae reipublicae Venetianae per-
suasum , nos ex hac civitate emisisse stipendiarios quosdam, qui invasioni
proximis diebus in civitatem Coesfeldiensem factae interfuerint; nimis autem
nobis inopinatum visum est talequid a quoquam hominum spargi ausum
fuisse, unde, si authorem sciremus et sub nostra illum esse potestate cognos-
ceremus , hoc in illum statueremus, quod mendacissimo nequam dignum
foret. Si enim singuli interrogaremur prout illa de re hodie collegialiter
propositum est, iurato affirmaremus, ne quidem quenquam nostrum
scivisse stratagema illud esse prae manibus; tantum abest, quod de nostris
huius civitatis stipendiariis quisquam interfuerit; itaque reverendissima et
illustrissima dominatio vestra pro sua nobis commendatissima discretione
cogitare habet, quam dolenter merito acceperimus tam subito de nobis a
tantis viris creditum esse, quasi tam essemus iuramenti nostri immemores
de neutralitate servanda et contra Germanam sinceritatem tam levicoli quid
talequid committeremus. Quare nemini prius expurgationem nostram inti-
mandam putavimus quam reverendissimae et illustrissimae dominationi
vestrae, ut illius authoritate, cui plurimum confidimus, tam sinistra suspi-
cio et reliquis dominis plenipotentiariis eximeretur. Habeat ergo reveren-
dissima et illustrissima dominatio vestra hoc nostro scripto sibi persuasissi-
mum [!] falsissimam esse suggestionem, a pessimo nebulone confictam,
quae hoc modo proposita fuit, et quanta possumus humilitate flagitamus, ut
reverendissima et illustrissima dominatio vestra deinceps, si huiusmodi et
similia viris cordatis indigna eidem vel cuiquam dominorum plenipoten-
tiariorum suggerantur, prius vel minimum nostrorum audiant quam credant;
non enim tantae perfidiae labem in nobis libenter consopitam videremus;
non praetermissuri, quin in auctorem inquiramus et si certo cognoscamus
realiter testatum faciemus, quam nobis doleat tam foedam labem de nobis
esse sparsam; cum hoc reverendissimam et illustrissimam dominationem
vestram Deo optimo maximo fidelissime commendantes. Datae sub sigillo
nostro secreto die 25. Augusti anno 1644
consules, praeconsules et senatus
civitatis et reipublicae Monasteriensis.