APW-Dokument / Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter -

Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter

306. Joh. Oxenstierna und Salvius an d’Avaux und Servien Osnabrück 1645 März 13/23

306

Joh. Oxenstierna und Salvius an d’Avaux und Servien

Osnabrück 1645 März 13/23

Kopien als Beilage 3 der Nr. 307 und AE , Corresp. pol. , Allem. vol. 43, 268–

268’

Kaiserliche Einwände wegen der Adhaerentes. Drängen der reichsständischen Ge-

sandten .

Recte nobis redditae sunt proximae excellentiarum vestrarum literae datae

die 10./20. huius et antea per dominum Rosenhane Caesareanorum replica

ad earum scriptum. Videntur Caesareani in illa aliquid respondere velle et

id imprimis agere, ut excellentiae vestrae proprius ad rem accedant et sua

postulata plenius exponant. Urgemur et nos a Caesareanis hic, ut propositio-

nem nostram edere velimus. Cum enim praeterita septimana tandem incog-

nitum dominum comitem Lamberg domi suae praesente domino Crane

videremus et die lunae huius septimanae ab iis revideremur praeter curialia

multis rationibus (nescimus quo cuneo acti) contenderunt, ut ad rem princi-

palem descendere vellemus. Nos iniquam et sinistram illorum interpretatio-

nem vocis adhaerentium in praeliminari conventione et denegationem salvi

conductus pro civitate Stralsunda iis obijcientes firmiter asseveravimus nobis

non esse in integrum a semel transacta conventione recedere nec ad princi-

palem causam descendere posse, nisi praeliminari conventioni et postulato

nostro iusto ab iis satisfactum fuerit. Illi varias difficultates et tandem im-

potentiam vel defectum mandati causati, medium suspensionis huius quae-

stionis ad ulteriora ab aula mandata proposuerunt et, ut causae principalis

tractatum aggredi vellemus, rogarunt. Rem itaque considerandam sump-

simus cum promissione nostrae declarationis post aliquod dies.

Ordinum, qui praesentes sunt, deputati et antea dilationem propositionis

nostrae petierunt, nunc desiderant eius maturationem. Hinc nos a tempore

minime alienum putamus oppressos per Germaniam foederatos et adhaeren-

tes nostros duplici gaudio recreare, secundioris, scilicet armorum, fortunae

nuncio et in sui favorum opportune nunc publicata regnorum propositione.

Ut autem omnia decenter et communi consilio a nobis agantur, significan-

dum hoc excellentiis vestris duximus, parati brevi coram, si iis ita visum

fuerit, pluribus mentem nostram aperire et de forma modoque proponen-

dorum cum iis transigere …