Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter
202. Joh. Oxenstierna und Salvius an Georg Rákóczy von Siebenbürgen Osnabrück 1644 Juli 29/August 8
202
Osnabrück 1644 Juli 29/August 8
Kopie als Beilage H der Nr. 205
Einhaltung der Bündnisverpflichtungen. Beilegung des dänischen Krieges. Beginn des
Kongresses. Anwesende Gesandte. Abneigung des Kaisers zu Verhandlungen.
Angebot, Rákóczys Interessen auf dem Kongreß zu unterstützen.
Quod serenitas vestra nuper cepit consilium faciendi foedus cum regibus
regnisque, quorum interest, |:immania:| Austriacae domus destinata
sub gyrum rationis redigi, id sicut pium, iustum, summeque necessarium
ita et heroica virtute et potentiae vestrae magnitudine dignum fuit. Gratu-
latur eo nomine serenitati vestrae tanquam vindici libertatis suae universa
ecclesia et respublica Christiana, gratulamur et nos eidem ex animo optantes
a Deo successuum prosperitatem tam laudabili proposito convenientem.
Quamprimum nobis hic copia instrumenti foederis facta est, statim eam cum
legatis Gallicis Monasterii communicavimus. Stat autem utrique regno
Sueciae Galliaeque concors firmaque sententia, universa dicti foederis
capita ex parte sua infallibiliter adimplere. Anni tempus, longior foedera-
torum statuum et invicem distantia et intermediorum itinerum difficultas
remoratae sunt quidem fundamenta primae executionis. Accessit quoque
nimio in Austriacos studio per atroces iniurias Suecis expressum bellum
Cimbricum. Non dubitant tamen foederati reges eum zelum, viris et animum
serenitati vestrae esse, ut interim primi impetus Austiaci praecipitia non
modo facile sustinere, sed et fortiter profligare valeat, |:donec foederatorum
milite ac pecunia roboretur, quorum utrumque iam est in parato. Bellum
Sueo – Danicum componere satagunt Gallicae et Batavicae utrobique
legationes ea intentione, ut facta pace utriusque regni miles eo fortior
coniunctim in communes hostes ducatur. Interea promissus:| serenitati
vestrae |:miles vix commodius quam e vicinis Moraviae praesidiis adduci
posse videtur, donec exercitus Suecicus propinquior factus erit, qua de re
ut et de collybiis scribit:| serenitati vestrae |:dominus campidux Torsten-
sonius necessaria, si ante hanc traditionem nondum venit, brevi veniet ad:|
serenitatem vestram |:etiam a legatis Gallicis nuntius particularis:|.
Interim tractatui universalis pacis deputata sunt loca Osnabruga et Mona-
sterium . Dies congressui dictus 1./11. Julii anni praeteriti. Utrobique iam
aliquandiu sumus Sueci et Gallicique, quin et caesarei, pontificii, Hispani
et Veneti legati. Nullum tamen adhuc initium factum est, imo ne ipsa
quidem procuratoria, a quibus legatorum pendet legitimatio, adhuc com-
mutata aut visa sunt. Nec ad ullum tractatus initium inclinare videtur
Imperator, antequam apparuit, quorsum inclinaverint huius aestatis arma,
imprimis propinquus iam congressus Torstensonii cum Gallassio, tum
collisio armorum serentatis vestrae cum Götzio denique obsidiones tum
Friburgensis in Brisgovia a Bavaro exercitu, cui vicinus incumbit Gallico-
Vinariensis, tum Grevelingae in Flandria, de qua tribus magnis exercitibus
Gallorum, Batavorum et Hispanorum iam acriter certatur, ac tandem ut
cesserint res inter exercitus in Catalonia, Lusitania et ducatu Mediolanensi.
Nam in Anglia fere depugnatum est caesis profligatisque a parlamento
regis copiis adeo ut 400 eius praecipui officiales coacti sint fuga per mare
securitatem sibi quaerere Hamburgi.
Quod si serenitati vestrae placuerit interesse sui status futuris hic et
Monasterii tractatibus committere, operam dabimus, ne quid in nobis
desideretur eorum omnium, quae ex tenore foederis, fidelem foederatorum
legatorum communicationem et cooperationem merentur pro obtinendo
publico vestrae serenitatis scopo. Si placet etiam serenitati vestrae nobis-
cum per literas correspondere, semper eam certiorem faciemus eorum, quae
in his oris pace belloque gerentur. Atque his eam divini numinis protec-
tioni cum omnimodae properitatis voto per officiose commendamus…