Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
7. Empfang des päpstlichen Nuntius 1644 März 19
7
1644 März 19
DH, Adami II fol. 152’.
Nuncius Apostolicus Fabius Chisius, pontificia authoritate ad pacem inter
Catholicos conciliandam legatus mediator, Colonia Monasterium adventans
insigni pompa et gaudio exceptus fuit non solum a senatu, civibus et prae-
sidio urbis, sed a legatis etiam Caesareis et Galilicis (Hispani enim litis vi-
tandae causa suos domi continere dicebantur, quamvis revera ipsis de ad-
ventu nuncii per propriam notificationem nihil constaret). In quo officio
Galli Caesareos immediate subsequebantur. Venetus autem causatus quas-
dam simultates reipublicae suae cum Pontifice obviam non misit rhedam.
Porro nuncius lectica purpureo damasceno intrinsecus tecta ingressus non-
nunquam benedicebac populo manu dextera hinc inde exserta.
Nuncius Apostolicus apud fratres minores conventuales domicilium fixit.
Illi igitur areae coenobii foribus appropinquanti religiosi ordine suo dis-
positi , cruce et vexillo praemissis, obviam iere; quando sacerdos alba veste
et pluviali indutus illi crucifixum deosculandum porrigebat offerebatque
in ecclesiae ingressu thus benedicendum ac imponendum thuribulo. Incen-
satur dein illustrissimus et oblata aqua benedicta se ipsum primo mox cir-
cumstantes aspergit procedensque ad chorum; deductus a religiosis ante
venerabile sacramentum in scabello ad hoc disposito ad genua provolvitur
ibique, postquam se suasque actiones Deo commendasset, accepta per sa-
cerdotem ex rituali Romano benedictione in conclave suum procedit.