Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
81. Stadt Münster an die Friedensvermittler Münster 1644 Dezember 16
81
Münster 1644 Dezember 16
Konzept: A XIV 121a. Kanzleivermerk: Memorialis concept pro domino nuncio Apostolico
et legato Veneto. In suspenso . Die Datumszeile ist von anderer Hand als das Konzept.
Eingabe um Abschaffung der Licenten.
Praeter gravamina a dominis de capitulo cathedralis ecclesiae nomine sta-
tuum diocoesis Monasteriensis mota senatus huius civitatis uti constatus
eminentissimis dominis plenipotentiariis hoc addendum putavit, ut non
modo in hac diocoesi, sed etiam vicinis locis advehendarum mercium vic-
tualium et necessariorum liberrimus concedatur usus; illud autem cum
commode fieri non possit, nisi onus licentiae, quod quintupliciter aut magis
imponitur, antequam res huc devehantur, praeter antemota gravamina et
exactiones abrogetur, silendo alias incommoditates ex hoc uno fonte quasi
emanantes, maxime, quando sub praetextu licentiae omnes grassatores
causam visitationis mercium pro non causa praetendentes, tactas merces
non tantum invisendas, quasi quicquam in vectigali solvendo subticitum sit,
sed equos et currus rapiunt et distrahunt, accedente eo, quod ad exemplum
huius diocoesis vicini comites in collectando et imponendo vectigalia
promiscue sequantur, ut per hoc securitas publica non modo turbetur,
sed annonae caritas causetur et plenipotentiariis dominis bene vivendi
commoditas difficultetur; quin imo, si huic malo et indies magis atque
magis increscenti et ante duos dies Stenfordiae et Sendenhorstii prope
hanc civitatem excercitis direptionibus mederi non possit, in totum sub-
vertatur necesse est; unde obnixissime petimus primum quidem, ut per
aliquot milliaria contributiones illae rusticorum seu colonorum, si non
totaliter abrogentur, saltem cum aliqua moderatione temperentur et exor-
bitantes impositiones prohibeantur, onus licentiarum, in vulgari „der li-
centen “ et alia incommoda removeantur et simul sub gravissima poena
amittendae vitae mandetur de securitate viarum a militibus praestanda et
ab omni grassatione abstinendo [sic!], omnia interim dominorum eminen-
tissimorum plenipotentiariorum discretioni laudatissimae submittendo.
Signatum 16. Decembris anno 1644.