Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter
204. Joh. Oxenstierna und Salvius an d’Avaux und Servien Osnabrück 1644 August 1/11
204
Osnabrück 1644 August 1/11
Kopien als Beilage A der Nr. 208 und AE , Corresp. Pol. , Allem. vol. 24, 2
Einnahme von Gravelingen. Absichten des Kaisers u. Spaniens. Schreiben an
kaiserliche Gesandte.
Promiscuo antehac rumore nunc tandem certis authoribus ad nos perlatum
est Gravelingam adactam fortitudine ducis Aurelianensis 19./29. die Julii
procubuisse regi Christianissimo, quod, ut a nobis hactenus est optatum, ita
re ex voto gesta, acclamatione hac prosequendum censuimus. Multum
Galliae nec parum foederatorum bono confert haec victoria.
Architecti praesentium turbarum in Europa, Austriaci et Hispani, non
aliter ad quieta consilia redigentur, quam si procurata iam diu ab iis publica
ruina in propria eorum capita recidat. Utinam Gravelingam comitentur
plures triumphi non modo in Gallia, sed etiam ubicunque hostibus atte-
rendis operamur. Sic sperandum est eos, qui nunc quaesitis ambagibus et
tot tergiversationibus illudunt orbi Christiano, amplexuros pacis tractatum.
Qui hic sunt legati Caesarei, tantum abest, ut inclinatiores adhuc sint redditi
ad pacem, ut ne quidem vel minimam de tractatu communicationem
audire vel videre sustineant.
Cum 29. Julii / 8. Augusti autographum eius, quod eadem die misimus ad
dominum residentem Rosenhane communicandum cum excellentiis vestris,
per syndicum huius urbis deberet dictis legatis offerri, subodorati materiam
literas nostras non modo ore et vultu, sed etiam corporum suorum decli-
natione aversati sunt. Petentibus spatium deliberandi in sequentem diem
nullum melius consilium obortum est. Remissus est ad nos syndicus una
cum literis…