Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter
255. Joh. Oxenstierna und Salvius an d’Avaux und Servien Osnabrück 1644 November 27/Dezember 7
255
Osnabrück 1644 November 27/Dezember 7
Zur Restitution des Kurfürsten v. Trier in der übersandten französischen Proposition.
Grata nobis fuit factae Caesareanis primae propositionis communicatio.
Diei quidem dictio paulo festinatior nobis ab initio videbatur. At neque
necessum est, ut in minutioribus simultanei progressus scrupulos con-
sectemur . Illud bene, quod silentium nostrum pro adprobatione eorum,
quae nuper Monasterii de materia propositionis ventilata sunt, acceperint.
Quod tamen ab excellentiis vestris de tam necessario praemittanda elec-
toris Trevirensis in integrum restitutione annectitur, ut absque ea ulterius
progredi nequeant, illud nimis cathegorice dictum videtur iis, qui hic sunt,
deputatis. Verentur enim, ne iste appendix moretur magis quam promoveat
ordinum iter credentium se nulli hic usui fore, priusquam ea controversia,
potius ad generalem restitutionem quam praeliminaria pertinens decisa
fuerit; quod quidem pro confidentia nostra excellentias vestras non de-
buimus celare. Caeterum ex inclusis, quae hodie Caesareanis offerri cura-
vimus , vident excellentiae vestrae nos, etsi aliis verbis, eodem tamen
sensu cum earum propositione plane conspirare. De secuturis prima quaque
occasione cum excellentiis vestris exactius communicabimus. Sicut enim
commune regnorum foedus correspondentiae nostrae cynosuram sibi
proposuerunt, ita certo sibi persuadere poterunt nos mutuum praestituros.
Quae alias hoc momento responderint Caesareani quaeque interim nova de
statu exercituum ad Albim heri cepimus, ea referet excellentiis vestris
dominus Rosenhane uberius …