Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
9. Friedensprozession 1644 April 10
9
1644 April 10
DH, Adami II fol. 154.
Dominica secunda post pascha instituebatur solemnis processio cum preci-
bus quadraginta horarum pro foelici tractatuum pacis auspicio et successu,
tanta populi frequentia ac devotione, quali vix prius unquam . In ea illu-
strissimus nuncius venerabile sacramentum deportavit ex aede cathedrali
ad ecclesiam B. M. V. Transaquas; qui deinde processionem comitatus reli-
quum viae confecit medius inter legatos Caesareum comitem de Nassau et
Gallicum comitem d’Avaux, singulis facem accensam tenentibus. Hos im-
mediate secuti sunt Volmarus Caesareanus a dextris et Servien Gallicanus a
sinistris, facem similiter accensam singuli gerentes, verum ingrediendo et
egrediendo ecclesias Caesarei uterque Gallos praecessere. Quamvis autem
nuncius Apostolicus velut neutri parti studens hunc incedendi modum nullis
verbis tunc improbarit: audivi tamen miratum fuisse, cur Volmarus Avau-
xio primas dederit, aut Nassovius Volmarum permiserit a latere suo se-
parari .
Quin et Caesareani postea gravissime repraehensi sunt a Caesarea maiestate
ob hoc factum: quod proinde non iterarunt deinceps.
Nuncius autem Apostolicus imposterum a processionibus publicis abstinuit,
ea potissimum de causa, quod, cum velut mediator non posset nisi inter
duas partes incedere, nec tamen Caesareani ob supradictum Caesaris man-
datum vellent unquam separari, non daretur hac ratione locus sibi competens.
Dum vero postea per discessum quorundam legatorum aut alias cessaret
ille respectus, prout cessabat, cum in gratiarum actionem obtentae contra
Turcas victoriae institueretur processio anno 1649, 4. Julii, non dubitavit
eam nuncius praesentia sua honorare.