Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
63. Präzedenzstreit zwischen Reichsritterschaft und Reichsstädten
63
DH, Adami II fol. 212.
Antiqua est inter nobilitatem imperii immediatam (freye reichsritterschaft)
et civitates imperiales liberas (freye reichs-stätte) de praecedentia discepta-
tio . In tractatibus Westphalicis complures comparebant civitatum imperia-
lium legati, qui pro more in proprio suo et tertio collegio velut pro statibus
imperii suffragia et sententias edicerent sua. Nec deesse suis partibus vole-
bat nobilitas immediata, quin pro conservatione suae libertatis etiam illuc
ablegaret nobilem quendam Wolfgangum de Gemmingen. Hic, ut potuit,
congressus in loco tertio cum civitatensibus vitavit. Cum vero publicis instru-
mentis immediatae nobilitatis non minus, quam civitatum liberarum fre-
quens facienda esset mentio, ea autem civitatibus postponi nollet, econtra
eandem civitates praeponi non permitterent, pro vitando utriusque partis
praeiudicio adinventa est, quam in instrumento pacis aliquoties legere
licet, clausula haec: libera imperii nobilitate compraehensa, videlicet inter
status imperii alios.