Acta Pacis Westphalicae III B 1,2 : Die Friedensverträge mit Frankreich und Schweden, 2. Teil: Materialien zur Rezeption / Guido Braun, Antje Oschmann und Konrad Repgen
I Zeitgenössische lateinische und deutsche Drucke des IPO und des IPM : Stück d Prag 1648 März 3
Stück d
Kaiserliches Druckprivileg auf sechs Jahre für den Verlag Fischer in Frankfurt/Main und die Druckerei Heyll in Mainz (lateinischer Text)
Prag
1648 März 3
Ausgabe 5 = Druckvorlage; Ausgaben 30–32 und 55–57.
Lemma: S.
Cæsar. Majestatis Privilegivm.
Nos
Ferdinandus III. Dei gratiâ, electus Romanorum Imperator semper Augustus, Germaniæ, Hungariæ, Bohemiæ, Dalmatiæ, Croatiæ, Schlavoniæ &c. Rex, Archidux Austriæ, Dux Burgundiæ, Stiriæ, Carinthiæ, Carniolæ, & Wirtembergi, Comes Tyrolis, &c. Notum publicis hisce literis, omnibusq; testatum facimus, Videlicet Nobis & Imperio dilectum & fidelem Philippum Jacobum Fischerum humillimè intimare coepisse, Quem in modum, post impetratam Concessionem Reverendissimi nuper Anselmi Casimiri, Archiepiscopi Moguntini, S. Romani Imperii per Germaniam Archicancellarii (ut & post ejus obitum simulatque obtentam Confir-
mationem Reverendissimi Johannis Philippi Archiepiscopi Moguntini, S. Romani Imperii per Germaniam Archicancellarii, Episcopi Herbipolitani & Franconiæ Ducis dilecti nostri pariter.) Electoris sub spe versantem & mox emersuram Pacificationis conclusionem, omniaq; illinc dependentia Corollaria, suo hoc tempore, proprijs, Sumptibus, typis divulgare constituisset. Iuxta verò hæc animum cura remordeat, ne hoc suum propositū ab alijs veteratoribus magno suopte cū dispendio secundarijs typis atque impressionibus interturbetur, eoq́; ipso, dum Reipublicæ cōmodo studet, sumptuū, impensarúmq; faxit jacturam. Sub annexa humillima petitione, vellemus utiq; illi hanc in rem Cæsareum nostrum privilegium & quidem Impressorium, clementissimè impertiri. Proinde clemētiæ nostræ oculos in humillimam & æquam prædicti Philippi Jacobi Fischeri petitionem conjicientes, præeunte maturâ deliberatione, consilio libero, veráque præcognitione, illi hanc singularem fecimus gratiam, facultatémque concessimus (prout etiam in præsentiarum hisce scientes, vigore harum tabularum, facimus) ita quidem, & hoc pacto, ut ipsi omnes hactenus apud universales Pacis Tractatus concurrentes Pandectas, secundum insequentem deinceps Conclusionem, Typis publicare, hinc inde distrahere, venundare ac vendere fas sit, ex adverso, nemo in ipsius hæredúmque ipsius legitimorum fraudem, id intrà sexennij, diducto ab hac infrà asscripta die calculo, spatium, alius, quicunque sit, loco quocunque, sive majori sive minori forma, secundarijs typis evulgare, aut sic quidem evulgata distrahere, venalia exponere & vendere ausit, nisi ille priùs hac de re cum Fischero, ejusq; hæredibus convenisset, illiúsque aut eorundem consensum impetrasset. Proptereà mandamus hisce omnibus nostris & Imperii, ut & Regnorum & Provinciarum nostrarum hæreditariarum subditis & fidelibus, imprimis quibuscunque Typographis, librarijs, librorumq́; Institoribus, sub pœna quinque marcarum auri puri, ex parte, ærario nostro Cæsareo, ex parte toties allegato Philippo Jacobo Fischero sine missione pendendarum, hisce severa ex Lege. Volumusq́; ne quis vestrûm, aut quisquam è numero vestro, per se, aut per alios, prædictas Pacis Pandectas constituti spatio sexennij, secundarijs evulget typis, nedum sic evulgata distrahat, venundet, circumferat aut alijs ut hoc faxint permittat. Idque quàm unicuique nostram & Imperii indignationem non perfunctoriam, ut & constitutam pœnam, typisque excusorum exemplorum jacturam evitare velle, utile ac profuturum est. Quippe toties dictus implorator ubicúnque ipse, aut hæredes ipsius, id genus apud, vestrûm quenquam inventuri sunt, ilicet propriâ potestate, nemine prohibente, id sibi vendicabunt, & ex animi sui sententia liberrimè experientur, ut nec ullius desuper accusari debeant prævaricationis. Interim dictus Philippus Iacobus Fische-
rus , propria impensa, illius operis exemplorum quaternarium ad Cæsareæ Aulæ nostræ Dicasterium
indubiè emittere, neq; vllum antequam hoc ad effectū spectârit, exemplum divendere tenebitur. Signatum sigillo nostro Cæsareo: & perscriptum apud Arcem nostram Regiam Pragensem, III. Martij. Anno M.DC.XLVIII. Regnorum nostrorū, Romani duodecimo, Ungarici vigesimo tertio, & Bohemici vigesimo primo.
Ferdinandus.
Ferdinandus Comes Kurtius.
Ad Mandatum S. Cæsar: Majestatis proprium.
Johannes Soͤldner. D.
(Locus Sigilli Cæsarei.)