Acta Pacis Westphalicae II C 4,2 : Die Schwedischen Korrespondenzen, Band 4, 2. Teil: 1648-1649 / Wilhelm Kohl unter Mitarbeit von Paul Nachtsheim
437. Ratifikation des Friedensvertrags durch Königin Christina Stockholm 1648 November 18/28
–/ 437 /–
Stockholm 1648 November 18/28
Kopie: RR ( lat. / tysk ) fol. 442’–443’ = Druckvorlage; Kopie: Kungliga Koncepter ; Kopie:
RR (sv) fol. 142–144 (moderne Abschrift der Ratifikation).
Nos, Christina etc., universis et singulis, quorum interest aut quomodolibet
interesse potest, notum testatumque facimus: Postquam a multo iam tempore
primum inter divum parentem nostrum, serenissimum ac potentissimum
principem, dominum Gustavum Adolphum Suecorum, Gothorum, Wandalo-
rumque regem, magnum principem Finlandiae, ducem Esthoniae et Careliae,
Ingriaeque dominum, pietissimae ac gloriosissimae recordationis, deinte [!]
etiam inter nos regnumque Sueciae ac socios nostros ab una parte, et serenis-
simum quondam ac potentissimum principem, dominum Ferdinandum se-
cundum Romanorum electum Imperatorem semper augustum Germaniae etc.
etc., ac post eius e vita discessum inter modernum eiusdem nominis serenissi-
mum ac potentissimum principem, dominum Ferdinandum tertium itidem
Romanorum electum Imperatorem semper augustum Germaniae etc., eiusque
confoederatos et adhaerentes ex altera parte, non sine multa christiani sangui-
nis profusione et multarum Germaniae provinciarum desolatione armis satis
vehementer decertatum sit, tandem instituto ea de re iuxta conventionem
Hamburgi die decima quinta Decembris anno Domini millesimo sexcente-
simo quadragesimo primo initam partium utrinque belligerantium Osnabru-
gis Westphalorum congressu, post longos et laboriosos tractatus inter nos
regnumque nostrum, tum praedictum Imperatorem et Sacrum Romanum Im-
perium domumque Austriacam per utrinque destinatos huic congressui lega-
tos et plenipotentiarios, divina favente clementia, pacem et amicitiam conclu-
sam et ad ratificationem nostram perfectam esse forma, modo, acte [!] more
sequenti:
Inseratur hic totum pacis instrumentum etc. NB. In proaemio instrumenti
pacis wirdt ausgelaßen die parenthesis (quarum apographa etc.).
Cum igitur hae omnia et singula per nostros legatos et plenipotentiarios su-
pramemoratos nostro praecitu, iussu et mandato hunc admodum, prout hic
verbotenus inserta et descripta leguntur gesta, peracta et conventa sit, nos ea-
dem omnia et singula, praehabita cum fidelibus nobis sincere dilectis nostris,
regnique nostri Sueciae senatoribus matura et diligenti deliberatione, ex certa
nostra scientia approbamus, ratihabemus et confirmamus, rataque et firma
esse et fore virtude [!] praesentium declaramus, simulque verbo regio promit-
timus ac spondemus pro nobis nostrisque successoribus et haeredibus regno-
que Sueciae, nos omnes et singulos supradescriptos articulos et, quicquid toto
hac pacis conventione continetur, statuitur ac disponitur, firmiter, constanter
ac inviolabiliter servaturas atque executioni mandaturas nullaque ratione vel
per nos vel per alios ullo unquam tempore contraventuras, aut, ut per alios
contraveniatur, passuras, quomodocunque id fieri possit, omni dolo et fraude
exclusis. In horum omnium testimonium et fidem sigillum nostrum regium
maius huic diplomati manu nostra subscripta appendi iussimus. Actum
Stockholmiae die decima octava mensis Novembris anno supra millesimum
sexentesimum [!] quadragesimo octavo.