Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
60. Adami verteidigt die Sendung des Grafen Nassau
60
DH, Adami II fol. 196.
Non fuit auditum, quod dux de Longeville, aut praecipue rex christianissi-
mus praetenderet, ut a Caesare mitteretur princeps aliquis ad tractatus,
quemadmodum id a rege catholico dicebatur expectare, tum, quia comes
Nassovius e tam antiqua et illustrissima Germaniae familia erat, ut principi-
bus merito esset aequandus, multis videretur praeferendus, tam deinde,
quod nulla Gallo cum Caesare esset competentia, quae tamen illi erat cum
Hispano, tam denique, quod saltem electorali nomine in tractatibus adesset
princeps imperii Franciscus Guilielmus episcopus Osnabrugensis etc.
Veruntamen audivi submurmurantem quendam ex aula Longevillaei ac di-
centem (forsan ex principis discursibus): Nostre roy envoye aux traictez un
grand prince, et l’empereur n’envoye qu’un petit conte. Ego vero sustine-
bam , nec animo, nec corpore, nec ditionibus, nec iurisdictione, nec fere
origine, nec ulla in re minorem nisi solo titulo Longevillaeo duce comitem
Nassovium esse.