Acta Pacis Westphalicae II C 4,1 : Die Schwedischen Korrespondenzen, Band 4, 1. Teil: 1647-1648 / Wilhelm Kohl unter Mitarbeit von Paul Nachtsheim
198. Königin Christina an Johan Oxenstierna und Salvius Stockholm 1648 März 31/April 10
Stockholm 1648 März 31/April 10
Kopie: RR ( lat. / tysk ) fol. 74’–75.
Vollmacht zu Verhandlungen mit den kurbrandenburgischen Gesandten.
Notum testatumque facimus, quod cum praesens inprimis rerum temporum-
que status ac conditio necnon mutuum interesse requirit, ut cum celsissimo
principe, cognato et amitino nostro charissimo, domino Friderico Wilhelmo,
arctior amicitia et correspondentia pro causa communi asserenda et promo-
venda pace ineatur, nos idcirco in mandatis dedimus ac commisimus, prouti
vigore quoque praesentium potestatem damus ac committimus nostris regni-
que Sueciae senatoribus atque ad tractatus in Germania pacis generalis legatis
plenipotentiariis, illustribusque, magnificis ac generosis nobis sincere dilectis,
fidelibus domino Johanni Oxensterna, comiti praemissis praemittendis, et do-
mino Johanni Salvio, praemissis praemittendis, ut cum praetactae Suae Dilec-
tionis Electoralis ad hanc rem pariter deputatis commissariis congrediantur et
de rebus ac negotiis praefatum scopum spectantibus cum iisdem tractent,
conveniant ac concludant. Quicquid igitur dicti legati nostri in ea re egerint,
convenerint et concluserint, id nos omne vigore harum ratum gratumque ha-
biturae sumus.