Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter
206. Joh. Oxenstierna und Salvius an d’Avaux und Servien Osnabrück 1644 August 5/15
206
Osnabrück 1644 August 5/15
Kopien als Beilage B der Nr. 208 u. AE , Corresp. pol. , Allem. vol. 24, 24
Paß zur Reise Bregys nach Polen. Bitte um Berücksichtigung der schwedischen Inter-
essen in Polen. Treffen zwischen Bregy u. Griesheim. Dän. Sekretär Klein eingetrof-
fen . Subsidien.
Quale excellentiae vestrae desiderarunt diploma tuti itineris pro domino
de Bregy in Poloniam ituro, expeditum a nobis est traditumque domino
baroni de Mal Piere. Supetvacuum nunc iudicamus commendare excellen-
tiis vestris regni Suecici interesse et commoda in dicto regno procuranda.
Sua sponte in ea pronus se ostendunt; pro quo affectu excellentiis vestris
gratias agimus optantes, ut et hoc domini de Bregy iter et quae in commissio-
ne illa communi regnorum bono est acturus feliciter succedant. Qui no-
mine residentis Poloniae hic Osnabrugae et Monasterii non ita pridem fuit
Henricus Christopherus Grisheim, nunc Mindae est, reversus nuper e Po-
lonia . Dicit se locutum fuisse cum rege et non paucis procerum existimare-
que ea, si cum excellentiis vestris posset communicare non fore ingrata,
quin imo usui et informationi domini de Bregy. Quod si excellentiis vestris
placuerit, illum Minda accersere, haud dubie quantocius veniet.
Regis Daniae secretarius, Klein, heri huc venit. An adventus eius mutationem
aliquam adferat tractatui nostro, tempus docebit.
Expectamus quotidie excellentiarum vestrarum responsum ad nostras
literas super solutione subsidii …