Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
13. Befürchtungen des dänischen Residenten 1644 Dezember
13
1644 Dezember
DH, Adami II fol. 156.
Regis Daniae secretarius consilii privati (Kleinius dicebatur) intellexerat
Suecos ea de causa ipsum Osnabrugis in loco tractatuum tolerare nolle, quod
non esset munitus salvo conductu, atque nunc inter Daniam et Sueciam
intercederent inimicitiae ac hostilitates publicae; quamobrem a Caesareanis
consilium auxiliumque efflagitabat secretarius. Quibus deinde visum fuit
per interpositam personam
curitati prospicere ex sequentibus rationum adiumentis: primo, quod Osna-
brugum civitas ab omnibus partibus belligerantibus in statum neutralitatis
asserta adeoque liberum cuilibet esset inibi secure versari et commorari.
Secundo, certe secundum leges neutralitatis ordinarias in locum neutralem
vel utramque partem intromittendam ibique tolerandam esse vel nullam.
Tertio, quod et Hassi milites, officiales ac gregarii, hostes licet Imperatoris,
fraequenter turmatim Osnabrugum ingressi, inibi tuto et sine Caesareano-
rum molestia versati fuissent. Quarto, sed neque Lusitanos esse munitos
salvis conductibus, nec tamen ab Hispanis propterea infestari. Quinto, quod,
si iniuria aut ignominia aliqua afficeretur hic minister Danicus a Suecis, ti-
mendum , ne simile quid evenire posset Lusitanis aliisque ob eandem ra-
tionem . Mansitque adeo incolumis ille secretarius.