Acta Pacis Westphalicae II C 4,1 : Die Schwedischen Korrespondenzen, Band 4, 1. Teil: 1647-1648 / Wilhelm Kohl unter Mitarbeit von Paul Nachtsheim
47. Königin Christina an Mazarin Stockholm 1647 Oktober 29/November 8
–/ 47 /–
Stockholm 1647 Oktober 29/November 8
Kopie: RR ( lat. / tysk ) fol. 399–402; Druck (deutsche Übersetzung): TE VI S. 96f. mit Datum
1647 Oktober 24.
Vertrauen auf die Bündnistreue Frankreichs nach dem Bruch des Waffenstillstandes durch Kur-
bayern gegenüber Schweden. Bitte, die Aufkündigung des Waffenstillstandes als an beide verbün-
dete Kronen gerichtet zu betrachten.
Non dubitamus ad aures Eminentiae Vestrae famam de rupto reiectoque ar-
mistio Ulmenio electore Coloniensi primum ac paulo post a Bavaro iam du-
dum pervenisse, ut non sit operae praetium onerare Eminentiam Vestram
prolixiore eius relatu. Scripsimus de eo ad fratrem et foederatum nostrum,
charissimum regem christianissimum, eiusque dilectissimam matrem, regi-
nam regentem, sororem nostram charissimam, conquesta de summa Bavari
iniquitate, tum de technis atque astu dicti Bavariae electoris, armistitium non
regi christianissimo, foederato nostro, sed nobis solis renunciatis, haud alio
fine, quam ut nostra arma distrahat, mutuum amorem et consiliorum con-
iunctionem dissolvat et diffidentiae causas excitet, ideoque amice monuimus,
ut Serenitas Eius bene ponderatis hisce Bavari praemeditatis, in ipso initio
armistitii et praeteritis mensibus occultatis technis tanto ardentius hanc ini-
quitatem ulciscatur, quantocius ausus est magis in utriusque nostrum ac mu-
tua amicitia praeiudicium adtentare ac aggredi. Res magis perspicua est, quam
ut indigeat declaratione; et ea nostra in Eminentia Vestra collocata confiden-
tia est, ut urgere illam velle speciem habeat alicuius diffidentia. Commenda-
mus ergo prudentiae et affectui Eminentiae Vestrae rem communem et no-
stram et christianissimi regis, fratris et foederati nostri, totum hoc negotium;
et confidimus Vos ita consilia istic directuros, ut foedus nostrum mutuum
sartum tectumque conservetur, et hostis communis infidum consilium in ip-
sum potissimum redundet. Saepe ante hac inter nostros ac christianissimi re-
gis ministros sermones inciderunt de abstrahendo Bavaro a partibus domus
Austriacae, quod ille videatur huius potentiam habere suspectam et quod in
partes contrarias putaretur inclinare, suasere semper ministri Gallici ut eius
haberetur ratio, et cum praeterita hiieme armistitii iniceretur mentio, vestrates
valde institere, ut noster campimareschallus in tractatus illos descenderet.
Nos consideratis arctissimis eius cum domo Austriaca nexibus, et inprimis
quod tota eius dignitas et magnitudo ab Imperatore penderet, tum quod prin-
ceps esset callidus et cautus, nihil dicens ex animi sensu et cuncta tempori
accomodare gnarus, declinavimus cum illo principe tractatus particulares om-
nes , nec voluimus ministros nostros illis implicari, donec tandem hi vestra-
tium hortatu et senis principis contestatione persuasi ad hoc Ulmense armisti-
tium accesserint, deinde executioni dederint, nostram ratificationem sollicita-
rint , datamque in amplissima forma et transmissam sibi iusto ac praescripto
termino reddiderint. Qua acceptata et retenta loco propriae ratificationis lite-
ras misit renunciantes armistitium. Eodemque momento urbes paulo ante ab
ipso nobis traditas et nostro praesidio incessas hostiliter aggressus est, simu-
lata pactorum observatione cum rege christianissimo, ut nobis inde reiectis,
Gallica praesidia commodius aggrederetur. Vix credimus toto hoc bello alio-
quin multis vitiis obnoxio simile factum reperiri, nam caetera qualicunque
praetextu colorari possunt, haec praemeditato consilio facta et ad decipien-
dum congesta fuere. Confidimus ergo Eminentiae Vestrae prudentiae et dex-
teritati factum hoc Bavari in utriusque coronae praeiudicium ipsum non latu-
rum impune, sed ut consilio et opera Vestra id quod nobis Bavarus renunci-
avit directe, christianissimo regi indirecte armistitium pro utrisque fracto ha-
beatur et ad defendendas civitates et castra occupata Vestrae cum nostris viri-
bus coniungantur aut ad minimum cooperentur. Id quod certo futurum resi-
dens apud nos christianissimi regis, fratris et foederati nostri, certam nobis
spem fecit, neque nos putamus ea de re ambigendum; cum nobis constet de
constanti proposito fratris ac foederati nostri in conservanda firmitate foede-
ris nostri mutui et de Vestra sinceritate et prudentia, quae sua perspicacia
facile disiiciet istius modi nebulas.