Acta Pacis Westphalicae II C 3 : Die schwedischen Korrespondenzen, Band 3: 1646 - 1647 / Gottfried Lorenz
57. Johan Oxenstierna und Salvius an die französischen Gesandten Osnabrück 1646 November 25/Dezember 5
–/ 57 /–
Kopie: DG, A I 1, Legat . [ 5 ] fol. 987 = Beilage A zu Nr. 65. Kopie: Det Kongelige
Bibliotek , København , Den grevelige Holstein-Ledreborgske haandskriftsam-
ling , 68, folio. Druck: Meiern III, S. 773f.
Französische Vorschläge zur Pommernfrage.
Quanto zelo Celsitudo et Excellentiae Vestrae ferantur ad maturandam satis-
factionem Suecicam pacemque communem id ex iis una cum legato Veneto
domino Contareni die 20/30 Novembris mihi, Salvio
Vgl. [ Nr. 51 ] .
placuit abunde libenterque percepimus.
Nos equidem ut pari promptitudine responderemus contulimus eam obla-
tionem ilico cum instructione nostra. Verum post omnes cartas diligenter
excussas invenimus regiam maijestatem dominam nostram clementissimam
firmiter constanterque insistere propositioni priori quam initio Novembris
Caesareae legationi ibidem in scripto exhibuimus, ita quidem ut si elector
domusque Brandenburgensis in translationem perpetuam Pomeraniae Cite-
rioris cum ibi annexis consenserit, tum praeter id quod ab imperio recepturus
est serenissima regina paratam se profiteatur ad restituendum ei (pro aequi-
valente tamen interim in oblata pecunia numerata a Caesarea Maiestate
accipiendo) non modo reliquam Pomeraniam Ulteriorem una cum episco-
patu Camminensi et Colberga sed etiam quicquid insuper praesidiis suis
tenet per universam Marchiam Brandenburgensem cum perpetuae amicitiae
obligatione.
Quod si vero his contentus esse consensumque suum praestare noluerit,
tunc regia maiestas regnumque Sueciae oblatam sibi antehac utramque
Pomeraniam etc. cum omnibus et singulis ecclesiasticis et secularibus eius
appertinentiis in perpetuum et immediatum imperii feudum retinebit. Quo
casu Caesarea maiestas et Imperium Romanum status subditosque utriusque
Pomeraniae priori sacramento exsolvet et ad homagium maiestati regiae
praestandum remittit, tum eandem maiestatem regiam regnumque in pacata
et inviolabili totius Pomeraniae omniumque eius appertinentiarum posses-
sione contra quemcunque perpetuo conservabit et manutenebit. Qua decla-
ratio alternativa cum sit suae maiestatis ultima Celsitudinem et Excellentias
Vestras perofficiose rogamus ne graventur eam domino comiti Trautmans-
dorfio quantocius aperire ut optione electori data brevi constare possit quam
partem eligere velit, ne christianitatis tranquillitas uberiori licitatione vel
mora in longius extrahatur. Idem nos hic Caesareis dominis legatis hodie
quoque communicari fecimus.
Quam primum responsum ad hanc declarationem nostram et satisfactionem
militiae Suedicae atque Hassiaca postulata ceperimus, dabimus operam ut
exhibeantur totius satisfactionis articuli plenius adornati prout in instru-
mento pacis inseri debere videantur.