Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter
Video excellentiam vestram, qui suus est in veterem collegam Salvium
benevolus affectus, desiderare et frequentiores communicationes et nomen
diei congressus nec locum videre commodiorem Latbergio. Mihi quidem
singula ita placent, ut nec dictus locus nec dies proxima displiceret, si solus
essem. At quoniam nondum potuit respondere dominus legatus Oxen-
stierna ad priores litteras vel mihi vel excellentiae vestrae ac praeterea tam
absentia domini legati Servien, quam vestra septimana sancta instansque
festum Paschatos, exitum excellentiae vestrae Monasterio nobis etiamnum
in octiduum invidere videntur, haud gravate paucorum moram dierum
mihi largiatur (affectuose alias desideranti videre et honorare excellentiam
vestram), donec Minda responsum cepero …