Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
86. Der Stadtkommandant von Reumont
86
DH, Adami II fol. 209’, 228’, 229’.
Gubernator urbis Monasteriensis Raymontius miles erat strenuus ac prudens.
Is omnes in munitionibus deambulationes praeclusit, etiam legatis quarum-
cunque partium, quoad pax conclusa esset. Cum ipsi nunciatus fuisset ac-
cessus legati alicuius ex maioribus aut recessus ab urbe, accepta prius a me-
diatoribus informatione, qui se gerere deberet, excepit illos reverenter eos-
que ab omni violentia reddidit securos.
Gubernator urbis palla veste induebatur ob mortem Imperatricis. Id non-
nemo Gallus improperabat in gubernatore, qui neutralis esset. Respondit
ille, se tam diu comedisse panem in servitio Imperatoris, ut merito coniugis
obitum lugere debeat addiditque: S’il plaira mourir a vostre reyne, ie feray
le mesme.
Gubernatorem urbis Monasteriensis reprehendebat Servien, quasi in leges
neutralitatis peccasset, praesidio suo tantum plausum permittendo ob factam
pacem Hispano-Batavicam. Ait vero gubernator: se et urbem neutrales esse
in gratiam faciendae pacis, proinde tunc merito gestiendum esse, cum pax
aliqua iniretur. Ne vero partialitatis alicuius argui posset, pollicebatur non
minora laetitiae signa, si et Gallicana pax cum Hispanis Munsterii conficere-
tur .