Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
66. Wie Wartenberg und Servien sich gegenseitig titulierten
66
DH, Adami II fol. 220’.
Servien, cum solus fungeretur Gallica legatione, avocatis pridem collegis
auditus est vocitare episcopum „gratia principalis“, absurdo Germanismo,
ad imitationem „Fürstliche Gnaden“: cum tamen alias praesentibus collegis
nunquam intermisisset, vel ipse, vel alii, titulum altezze. Itaque ab episcopo
reciproce nec titulo excellentiae, nec ambasciatoris donatus fuit, sed nude
ac simpliciter in tertia persona compellatus, per Italicum Lei. Dicebatque
postea episcopus, nullam se iniuriam facturum fuisse Servien, si eum simili
Latinismo a Gallico Vous desumpto et Gallis etiam quoad personas altiores
usitatissimo fuisset allocutus.