Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
58. Begegnung zwischen Servien und Brun auf der Voßstege
58
DH, Adami II fol. 181’.
Inter Gallos quoque et Hispanos perpetua fuit contentio de praecedentia
eaque inter omnes gravissima et veterata. Unde et ipsi semper vitarunt con-
gressum in loco tertio fuitque similiter haec rixa plurimarum difficultatum
occasio.
Hispani ad ecclesias viciniores processionesque in iisdem instituti solitas
conveniebant aut soli aut sequentibus quibusdam electorum vel principum
legatis. Idem faciebant Galli. Dumque in plateis veherentur, praecavebant
semper, ne sibi obviarent.
Quadam vice Gallis in platea existentibus, quidem ex ephebis existimans a
longe se videre occurrentem Hispanorum rhedam, idipsum indicavit legatis,
quorum unus moneri faciebat rhedarium, ut obviando Hispanis dextram
teneret. Quod postea intellectum, risum movit: quandoquidem nemo alteri
obvians dexteram tenere potest, nisi et concedat dexteram.
Revera autem, cum dominus Servien ex parte coronae Gallicae et dominus
Brün ex parte Hispanicae soli essent Monasterii, ad fauces cuiusdam vici
angustioris, dicti die Voßstege , sibi invicem hi duo plenipotentiarii ob-
viaverunt ; necessariumque habuit Servien per istum vicum transire ad do-
mum suam, Brunus vero ad domum nuncii Apostolici. Et ille quidem famuli-
tio ac satellitio suo cinctus; hic vero ordinario comitatu minore. Verum Bru-
nus citatis equis magno impetu primas occupavit et praecessit. Servien vero
non solum propterea minas iactavit in famulitium suum, sed etiam eaprop-
ter quaestus apud mediatores et minatus fuit, se vi publica aversurum fuisse
Brunum, si id futurum praevidisset, idque deinceps facturum, si quid simile
contingeret. Hoc audito Brunus dixisse fertur: rem igitur singulari certa-
mine inter se duos decidendam, nam in aperto esse, quod Galli familia suam
in triplo amplius excederet.