Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
21. Heimliche Entfernung des Generals Bönninghausen 1645 September 14
21
1645 September 14
DH, Adami II fol. 172’.
Galliae plenipotentiarii omnes die quadam civitatem Monasteriensem
egressi, octo rhedis totaque Longavillaei ducis aula, equis circiter quin-
quaginta stipati, Osnabrugam se ituros simulabant spargebantque. Verum,
cum eodem vespere legati in urbem redirent soli, relicto foris comitatu,
animadversum postea fuit, eos hac via securum abduxisse praefectum
nuper militiae suae generalem Bönighusen atque in locum conduxisse, ubi
is exciperetur a quadringentis peditibus et equitibus centum Hassiacis,
qui Lippiam usque salvum conducerent. Qua in securitate constituto
generale postero die in urbem rediere domestici Gallorum.