Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
18. Eintreffen der savoyischen Gesandtschaft 1645 März 23
18
1645 März 23
DH, Adami II fol. 175.
Sabaudiae legatus Veneto si non par, saltem non minor haberi voluit.
Unde et ipse, tam propter titulum excellentiae expetitum, quam ob cerimo-
nias introductionis, extra urbem aliquo tempore remansit . Venetus vero
semper praeponi Sabaudo voluit, eo quod Sabaudiae dux vigore specialissi-
mae cuiusdam conventionis diceretur figliuolo di S. Marco, videreturque
indecens, si filius matrem non sequeretur. His aliisque difficultatibus
durantibus, cum Sabaudo legato, qui provectioris aetatis erat, incommodum
esset tam diu extra urbem haerere, satis habuit, quod per obvias rhedas
nuncii Apostolici, Gallorum, electoralium nec non residentis Suecici
introduceretur, prout factum est. Visitatusque Sabaudus mox a nuncio,
Gallis, episcopo Osnabrugensi et Bavaro.