Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
16. Servien verweigert den Gesandten der Hansestädte eine Audienz 1645 Januar 31
16
1645 Januar 31
DH, Adami II fol. 159’.
Sub initium anni 1645 civitatum Hanseaticarum legati Munsterii desig-
nata hora accedunt plenipotentiarios Gallicos Avauxium et Servien,
utrumque in aedibus Avauxii congregatum, a quo et moniti sunt, ut
eundem visitationis honorem collegae suo Servien in ipsius domicilio
seorsim exhiberent. Statuunt hoc ipsum Hanseatici; et nihilominus Gal-
licae legationi satisfactum omnino putantes postero die catholici regis
legatos similiter congregatos accedunt, dissimulato, quod Gallis pridie
adfuissent. Denique sequenti die in complementum honoris legationi Galli-
cae iuxta propositum et promissum exhibendi, horam accessui opportunam
requirunt a domino Servien, designaturque secunda pomeridiana. Qua
cum adessent Hanseatici, introducti quidem in aulam anteriorem fuere per
domesticos; verum per eorundem unum ipsis significatum, quod Servien
aliis nunc distineretur negotiis, nec vacare ipsis audiendis posset; eo vel
maxime, quod in magnum christianissimi regis suumque Servien vilipendium
et contemptum hesterno die prius Hispanos, quam se in domo sua seorsim,
qui tamen in eodem cum Avauxio gradu legationis esset, visitassent. Quam
ignominiosam passi repulsam Hanseatici indigne ferentes plurimis ratio-
nibus scripto concinnatis demonstrarunt, se illi causam dedisse nullam.
Quas inter eae praecipuae erant, quod non duae, sed una esset legatio
Gallica: una legati utriusque plenipotentia, Hanseaticorum literae fiducia-
riae ad utrumque coniunctim directae, ab utroque simul lectae, uterque
ipsos audiisset, uterque in plurali numero compellatus fuisset, uno ore et
voluntate uterque respondisset; nec ulla necessitate, sed civilitate sola
inducti Hanseatici essent ad exhibendum separatae visitationis honorem
Servientio. Qua enim necessitate hodie uni seorsim proponas, quod con-
iunctim utrique proponebas heri? Solam itaque, quae Servientio cum
d’Avaux intercederet, aemulationem huius repulsae causam fuisse.