Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
6. Einzug des Grafen Nassau 1643 Juli 30
6
1643 Juli 30
DH, Adami II fol. 151’.
Comes Nassovius primarius Caesaris legatus hac pompa in civitatem in-
troductus est. Horis pomeridianis comiti legato quinque rhedae obviam
processerunt, quarum singulae suos praemiserunt equites. A porta civitatis
usque ad campum dominicum armati milites civesque dispositi erant. Tor-
menta maiora tribus e locis explosa. Ordo intrantium erat, ut equites duos
platearum peritos subsequeretur aulae magister, exinde equites tum comitis,
tum aliorum, qui obviarent amplo numero. Post hos duo comitis filii equi-
tes natu minores, quorum alter in cathedrali Monasteriensi erat canonicus.
Sequebatur rheda seiuga, in qua principem locum legatus comes, dextrum
propendiculum filius eius natu maior, sinistrum collegatus Crane tenebat.
Rhedam secundam barones ac nobiles aulici comitis, tertiam primarii de
capitulo cathedrali, quartam summi capituli officiales et ministri quidam,
quintam dominus archisatrapa Padibornensis, qui tunc in urbe erat, sextam
consul, camerarius et syndicus Monasteriensis occupabant. Fuitque hac ra-
tione ab his omnibus (cum necdum adessent plures alii legati) solemniter
satis introductus in domum suam.
Loca tractatuum tametsi in neutralitatem adscita essent, observatum tamen
est, quod Hassi notabili numero Monasterium ingredi fuerint prohibiti, nisi
depositis ad portas armis sub ingressum, quae ad egressum reciperent.