Acta Pacis Westphalicae III D 1 : Stadtmünsterische Akten und Vermischtes / Helmut Lahrkamp
147. Stadt Münster an Contarini Münster 1646 Juli 15
147
Münster 1646 Juli 15
Konzept: A XIV 121a. Kanzleivermerk: Memoriale ad excellentissimum dominum Venetum.
Pferderaub von seiten hessischer Söldner. Anmarsch der Armee Turennes.
Excellentissime domine!
Quae tria puncta heri excellentiae vestrae submisse proposuimus et super iis
respective auxilium et consilium imploravimus hisce in memoriam revocan-
tes duo praecipua ex iis repetimus:
Primo, ut apud legatos Hassicos aliosque, ubi res exegerit, auctoritatem
suam gratiose dignetur interponere, ut per Hassos de praesidio Cosfeldiensi
iussu, ut fertur, vicecolonelli Diepholt ex molendino quondam huius civi-
tatis suburbano, Enckinck vulgo nominato, ante tres dies noctu in prae-
iudicium praeliminarium tractatuum et neutralitatis abducti tres equi ilico
cum reparatione damni et omni causa restituantur et deinceps eiusmodi
attentata serio evitentur.
Secundo, quia ex partibus Rheni nuntiatur, comitem Tourainium cum exer-
citu Gallico Vesaliae ponte navali Rhenum traiecturum et cum exercitu
Suecico se coniuncturum,
citum Suecicum annonae defectu brevi alibi castra locaturum, ut quoque
excellentia vestra pro officio suo mediatoris apud Gallicos et Suecicos pleni-
potentiarios gratiose dignetur efficere, ne ille transeundo hanc diocesin at-
tingat , castra sua in vicinia huius patriae omnino ne metentur, ne si alter-
utrum fiet, dominis legatis in hac civitate annona aliaque necessaria desint.
Quibus super punctis quemadmodum heri excellentiam suam humiliter
imploravimus, sic etiamnunc eandem obnixe rogamus ac obtestamur.
Signatum 15. Julii 1646.
Manentes excellentiae vestrae
obsequiosissimi consules etc.