Acta Pacis Westphalicae II C 4,1 : Die Schwedischen Korrespondenzen, Band 4, 1. Teil: 1647-1648 / Wilhelm Kohl unter Mitarbeit von Paul Nachtsheim
46. Königin Christina an die Königin-Regentin von Frankreich Stockholm 1647 Oktober 29/November 8
–/ 46 /–
Stockholm 1647 Oktober 29/November 8
Kopie: RR ( lat. / tysk ) fol. 402–403; Druck (deutsche Übersetzung): TE VI S. 96 mit Datum
1647 Oktober 24.
Mitteilung vom Eingang der bayerischen Aufkündigung des Ulmer Waffenstillstands, der als
Versuch zu deuten ist, Frankreich von Schweden zu trennen. Bitte, das Bündnis bis zum gemein-
samen Friedensschluß zu halten.
Non equidem praeter, sed contra expectationem nobis accidit, quod elector
Bavariae pactis armistitii praeterita hiieme Ulmae solenniter initis inter
utramque coronam nostram et ipsum, quo die ex promisso rata habere debe-
ret , renunciavit. Nobis multa diffidendi causae fuerunt, ideoque semper cum
illo principe declinandos tractatus iudicavimus. Verum, cum urgeremur per
vestrates, adsensa sumus, et quod per ministros utriusque nostrum transactum
fuit, habuimus ratum, ratificationisque instrumentum in solenni forma trans-
misimus et reddendum curavimus tempestive. Recepimus vero litteras electo-
ris armistitio renunciantes, scriptosque eo die, quo ratum haberi deberet. Ne-
que mora ulla iniecta, quin illico se hostem facto declararit et civitates nobis
traditas nostroque praesidio insessas adgressus sit, ut hisce occupatis tanto
commodius ad Vestras accederet. Technas principis senis et callidi observavi-
mus in eo, quod videri vult cum christianissimo rege, fratre et foederato
nostro charissimo, armistitium servare sartum, nobiscum rupto, ut dissolvat
rationes coniunctionis nostrae et facilius singulos aggrediatur suffultus Impe-
ratoris subsidiis. Verum, cum haec eius destinata neminem praeteritorum et
praesentium gnarum latere possint, rem omnem christianissimo regi aperui-
mus et certae de Suae ac Vestrae Serenitatis, constanti affectu in rem commu-
nem ac nostram, inprimis conservandi nobiscum mutui foederis, confidimus
hanc Bavari iniquitatem non relictum iri inultam. Sed Serenitatem Vestram
tecknis eius observatis et ponderatis, id quod nobis est renuntiatum, non ali-
ter accepturam interpretaturamque, quam si christianissimo regi, fratri et foe-
derato nostro, renunciatum fuisset, quod bellum iunctis viribus gestum eo-
dem tempore adsopitum fuerit et armistitium cum utroque nostrum simul
initum, a nobis authoritatem vestram sequentibus ratificatum et executioni
datum.
[Unvollständig].