Acta Pacis Westphalicae II C 1 : Die Schwedischen Korrespondenzen, Band 1: 1643-1645 / Ernst Manfred Wermter
236. Joh. Oxenstierna und Salvius an d’Avaux und Servien Osnabrück 1644 Oktober 15/25 Pr.: Münster 1644 Oktober 18/28
236
Kopien als Beilage 3 der Nr. 239 und AE , Corresp. pol. , Allem. vol. 24, 440
Rückkehr Rortés. Über Vollmachtsfrage Malpiere u. Rosenhane unterrichtet.
Schreiben an Reichsstände. Geleitbrief für Botelho.
Libenter intelleximus ab excellentiis vestris revocatum illustrem domi-
num baronem Rortaeum iam Monasterium venisse et de reditu suo in hanc
urbem cogitare. Quid Caesarei plenipotentiarii ante dies aliquot nobis signi-
ficare curaverint super tabulis procuratoriorum quidque exinde utrinque
actum et in quem locum illa res nunc devenerit, partim aperuimus domino
baroni Malpiere abiturienti, partim domino residenti Rosenhane nunc ex-
ponenda .
Legimus excellentes vestras litteras, quae regiis associatae nuper ad ordines
imperii Romani sunt expeditae. Ut superioribus ipsum Imperatoris ulcus,
ita nunc ordinum animos tetigistis. Scripsimus etiam nos ad statuum de-
putatos Francofurti degentes, quae communi regnorum scopo et Germaniae
saluti convenire visa sunt, prout hic adiuncta charta plenius docebit. Quod
si nunc venire distulerint, ipsi sibi, quicquid inde contrahetur mali, impu-
tent .
Saepe et diligenter apud nos intsat dominus Roderigo Botelho, ut salvi-
conductus pro Lusitania procurentur. Nullam dum eius rei mentionem fe-
cimus apud partem adversam. Quinimo in negotio, quod communem rem
concernit, excellentiarum vestrarum mentem imprimis audiendam cen-
suimus ; utrum scilicet illae existiment talem salvum conductum impetrari
posse? quando? et quosque? Quod excellentias vestras haud gravate
facturas speramus …