Der lothringische Bevollmächtigte

1646 November

DH, Adami II fol. 198’.

Nomine episcopi Virodunensis mittebatur ad pacificatorios tractatus Antonius Russelot de Hedival, qui et sessionem capiebat in consessu principum, nemine ex legatis statuum imperii contradicente. Habebat tamen etiam in commissis, ut interesse Caroli ducis Lotharingiae

Herzog Karl IV. von Lothringen hatte sein Land an die Franzosen verloren und beteiligte sich am Kriege als kaiserlicher General. Frankreich erkannte ihn nicht als Reichsstand an, auch nicht als kaiserlichen oder spanischen Verbündeten; vgl. Dickmann S. 417.

curaret, qui ob denegatum a Gallis salvum conductum non habebat legatum in Westphalia specialem, Caesareis et Hispanis causam illius, ut poterant, agentibus. Rediturus Bruxellas Antonius, salvum conductum a Gallis expetit et accipit quidem; sed omisso titulo, quem expetierat, consiliarii ducis Lotharingiae et legati episcopalis Virodunensis. Cuius causam afferebantGalli, quod rex christianissimus esset dux Lotharingiae, cuius ipse Russelot consiliarius non esset; episcopatum Virodunensem vero etiam Galli totum possiderent; nec proinde pertineret ad episcopum, ut ad comitia legatos mitteret. Remisit itaque informem conductum Antonius et sine eo Bruxellas concessit.