Beschlagnahme der Leiche des portugiesischen Gesandten

1645 Januar

DH, Adami II fol. 157.

Moritur Osnabrugae Don Roderigo Bodelli, qui se pro rege Lusita- niae ad pacificatorios conventus legatum gerebat. Cadaver defuncti sub comitis Oxenstirnae literario conductu quidem, sed clanculum, abscon- ditum et rebus nescio quibus permixtum nec specifice nominatum Osna- bruga Mindam vehebatur, inde per Visurgim et mare in Portugalliamdevehendum. In via publica a militibus quibusdam sub episcopo Osna- brugense Caesareis direptum et una cum ductoribus personis aliisque rebus in castrum Furstenoniam abductum fuit, nulla salvi conductus Suedici, quem suspectum habebant ob suppressum in eo funeris onus, habita ratione. Urgent Sueci restitutionem funeris, personarum, rerum, et militum castigationem. Caesareanis econtra videbatur huic facto nihil quidem inesse peccati, quandoquidem securitas promissa legatis ad Bodel- lium extendi vigore praeliminarium non posset. Cuius rei manifestum sit argumentum, quod nec ipse vivus, nec eo in fata concesso Sueci lite- rariis conductibus confisi, copiosum semper pro corporis custodia adiunc- tum illi voluerint militem, aut certe sub aliorum umbra legatorum ac nominatim per Belgii loca tanquam de familia Gallicae legationis existens transierit et profectus fuerit. Cui accedat, quod Bodellus quidem nec a Caesareis, Hispanis, statibusve imperii legati regii titulo agnitus, nec tamen ipse de alterius legationis corpore aut comitatu se esse professus fuerit, sed propria quadra vivens et familia stipatus ampliori, legatum se dixerit regis Lusitaniae eoque nomine a Gallis et Suecis fuerit visitatus. Demum ante fores viventis et in castro doloris nuper erecto insignia regni Portu- galliae posita et sepulchrali eius lapidi, sub quo recondita intestina, inci- sum conspici hoc epitaphium: Hic iacet illustrissimus dominus Rodericus Bodello de Moraces legatus extraordinarius regis Portugalliae etc., ut adeo perpensis ex aequo rationum momentis praesidium Furstenoniense Caesareum non videretur captura funeris personarum ac rerum deliquisse. Nihilominus praecedendis litium fomentis opportunum videbatur, si rem hanc pacificatores legati Caesarei et electorali nomine episcopus Osna- brugensis a se remotam generalibus militiae praefectis remitterent decer- nendam; ita, ut illi quidem ad dimittendum libere funus non tam ex debito, quam ex civilitate quadam et respectu erga coronam Sueciae eiusve ministros sese offerrent; dummodo Oxenstirna novo ac pleniore dato salvo conductu per missum tubicinem, more apud milites usitato, funus, personas ac res abduci curaret, quod deinde post multas concertationes factum est.

Ob detentum per milites episcopi Osnabrugensis Caesareos cadaver Bodelli Lusitani Sueci via represaliorum arrestarunt Mindae decanum summae aedis Osnabrugensis

Domdechant Johann von Melschede; er war neben dem Osnabrücker Offizial Bischoping Vertreter Wartenbergs im geistlichen Fürstenrat.

. Quo facto insigniter esse laesam conven- tionem praeliminarem nonnullorum erat querela: quandoquidem vigore huius decanus iste persona neutralis esset, de civitate Osnabrugensi, capi- tularis et capituli ibidem caput, consiliarius episcopi et eidem in his trac- tatibus assistens, a quo et securitatis literas haberet. Quae omnia, si extra considerationem venire possent aut deberent, facile futurum Caesareis officialibus ac praesidiis simili in Suecos licentia uti. Interea Sueci, audito quod causa detenti funeris ad generales militiae praesides Caesareos remissaesset, negotium quoque arrestati decani ad Suedicae militiae praefectos remittebant ipsi. Fuitque proinde liberato funere liber dimissus decanus.