15

Kaiserliche Vollmacht für Krane

Wien 1643 April 20

Ausfertigung: A XIV 112. Kanzleivermerk: Original Kayserlicher gewalt ad relaxandam senatum Monasteriensem a iuramento ad interim, empfangen 22. Maii anno 1643. Druck: Gärtner I Nr. 83 S. 193 ff.

Neutralisierung der Stadt Münster für den Friedenskongreß.

Nos Ferdinandus tertius, divina favente clementia electus Romanorum imperator semper augustus ac Germaniae, Hungariae, Bohemiae, Dalmatiae, Croatiae, Sclavoniae etc. rex, archidux Austriae, dux Burgundiae, Sty- riae, Carinthiae, Carniolae et Wirttembergae, comes Tyrolis etc., agnos- cimus et tenore praesentium notum facimus universis, quod cum vigesima quinta Decembris anni praeteriti millesimi sexcentesimi quadragesimi primi in civitate Hamburgi inter consiliarium nostrum imperialem auli- cum, speciali mandato instructum, Conradum a Luzzav et serenissimi Fran- ciae regis christianissimi legatum Claudium de Mesmes, comitem d’Avaux, conventio quaedam super praeliminaribus ad tractatus pacis universalis conclusa ac a nobis ratihabita fuerit et facta nuper in vim eiusdem salvorum conductuum caeterorumque in ea praescriptorum instrumentorum com- mutatione dieque ad dictos tractatus ineundos undecima Julii proxime venturi praefixa hoc supersit, ut, quae pro maiore partis vel partium sive plenipotentiariorum ab iisdem deputatorum vel deputandorum securitate et commoditate statuta fuere, debitae executioni mandentur. Nos nihil eorum, quae nobis vi dictae conventionis incumbunt, in nobis desiderari volentes plenam potestatem dederimus, prout harum vigore, authoritate imperiali damus honorabili docto nostro et sacri imperii fideli, dilecto Joanni Crane, consiliario nostro imperiali aulico, ad exsolvendum nostro tanquam supremi capitis imperii nomine magistratum ac cives civitatis Monasteriensis, loci ad peragendos tractatus cum serenissimo rege christia- nissimo designati, a iuramento fidelitatis, quo nobis et dicto sacro Romano imperio tenentur, ponendumque eos in eo statu, quo erga nos et alteram tractantium partem vere neutrales sint necnon caetera omnia et singula visaepedictae conventionis requisita facere et praestare possint ac debeant, promittentes verbo nostro imperatorio et regio, quod, quicquid dictus plenipotentiarius noster vi huiusce potestatis eidem concessae fecerit, gesserit, egerit, id ratum, gratum firmumque habituri ac in contrarium neque nos ipsi quicquam facturi neque ut ab aliis fiat permissuri simus. In cuius rei fidem hasce manu nostra subscriptas sigillo nostro imperiali muniri fecimus. Quae dabantur in civitate nostra Viennae, die vigesima mensis Aprilis anno Domini millesimo sexcentesimo quadragesimo tertio, regnorum nostrorum Romani septimo, Hungarici decimo octavo, Bohemici vero decimo sexto.

Ferdinandus

Vt. Ferdinandus comes Curtius

Ad mandatum sacrae Caesareae maiestatis proprium Joan. Walderode.