Les principaux ministres qui sont près de luy ne luy ont pas seulement conseillé de sortir d’embarras consentant à toutes les prétentions de la France, mais ilz luy ont tesmoigné tout d’une voix que ce sera un grand bonheur pour la couronne d’Espagne sy en sacriffiant ce qu’elle a desjà perdu elle peult mettre à couvert le reste qui est sur le poinct de se perdre, jugeant qu’on doibt tousjours apréhender extrêmement que la France ne veuille proffiter de la belle occasion qui se présente de ruyner son ancien ennemy, et que bien qu’el- le parle de paix et qu’elle proteste d’y estre entièrement disposée, elle treuvera des eschapatoires pour s’empescher d’y venir quand on sera sur le point de luy accorder tout ce qu’elle demande.

Tout ce que dessus nous devoit faire espérer d’eulx une proposition solide et qui portast bientost les affaires à un accommodement. Cependant nous voyons que celle qu’ilz viennent de faire et à laquelle ilz taschent de donner tant d’esclat ne conclud rien en effect, mais plustost nous fournit grande ma- tière de soupçonner que leur intention n’est pas bien sincère, et il fault sans doubte qu’ilz ayent voulu faire encor cette tentative pour veoir s’ilz en pour- roient proffiter de quelque chose, avec dessein pourtant après en avoir veu le succès de tenir un aultre langage, et ceddant à la nécessité nous donner entière satisfaction.

Et à la vérité sy on veult tant soit peu examiner ce que c’est que cette propo- sition, on treuvera qu’ilz s’addressent à nous après avoir faict tout ce qu’ilz ont pu pour séparer noz alliez, et nommément avoir offert et paix et trefve à Messieurs les Estatz en la manière qu’ilz vouldroient la prescrire, et d’envoyer des ministres la traicter jusques dans La Haye, et de donner des provinces entières à monsieur le prince d’Orange pour l’obliger à s’employer favorable- ment pour leur accommodement; et tout cela avec des gens qu’ilz prétendent estre leurs subjetz et qu’ilz appellent rebelles et dont la puissance n’est en nulle façon comparable avec celle de la France.

Ce n’est donc pas un grand effort pour eux qu’estans rebutez de toutes parts et se voyans réduictz à la nécessité de faire la paix ou à laisser exposé en grand hazard ce qui leur reste, ilz nous facent un simple compliment qui n’oblige- roit à rien quand mesmes ilz n’auroient pas eu la précaution de le limiter par la restriction qu’ilz y ont apposée, puisqu’à le bien prendre ce n’est aultre chose que cette civilité qui se praticque souvent quand deux personnes ayans différend ensemble l’un s’addresse à l’aultre et luy dict: je vous en veux croire, je vous en fais juge, et alors celuy qui reçoit cette déférence n’a de liberté ny de pouvoir pour faire l’accommodement que celuy de se condemner soy- mesme s’il veult.

En oultre, il n’est pas naturel de veoir sans nouveau subjet naistre en un in- stant un excès d’amour d’une hayne qui un moment auparavant estoit inplac- cable, et on ne peult guières aller d’une extrémité à l’aultre sans passer par quelque millieu.

Il semble donc qu’on peult conclurre que bien que la nécessité contraindra à la fin les Espagnolz de nous accorder tout pour avoir la paix, ilz n’ont pas eu encore cette intention dans la proposition qu’ilz ont faicte et ilz ont cru qu’ilz devoient employer de la sorte le temps qui leur reste d’icy au commencement de la campagne, se flattant qu’une pareille ouverture leur seroit extrêmement utile et dans l’apparence et dans l’effect.

Dans l’apparence, parce qu’elle peult faire croire à la pluspart du vulguaire qui ne pénettre que l’escorce des choses, qu’ilz se sont mis au-delà de la raison et que la paix est entre les mains de ceux à qui Sa Majesté confie la principalle direction des affaires, lesquelz retardent ce bon œuvre pour leurs intérestz particuliers.

Dans l’effect, parce qu’ilz ne s’obligent qu’à ce qui leur semblera bon, et nous tenans engagez sans l’estre, ilz prendroient pour une chose seure ce que nous leur aurions offert, et s’en serviroient comme d’un tiltre pour prétendre da- vantage; et par ce aussy qu’ilz pourroient donner de telles jalousies aux alliez de la France qu’estant asseurée de son compte elle ne s’accommodât sans at- tendre que leur satisfaction fust accordée, qu’ilz en seroient plus disposez à escouter les recherches qu’on leur faict sans cesse de traicter séparément affin de nous prévenir.

Et en effect si les ministres d’Espagne eussent eu aussy bonne intention que les médiateurs se sont mis en peine de nous la persuader, pourquoy auroient- ilz forcé leur naturel à tel point que de faire, contre leur coustume et leur humeur haultaine, si grande ostentation d’une submission qu’ilz rendent? La nation n’est pas de soy encline à s’humilier. N’auroient-ilz pas plustost essayé de couvrir avec grand soin la nécessité où le mauvais estat de leurs affaires les réduict, et s’addresser comme ilz le pouvoient par quelque aultre moyen à la Reyne pour luy faire la mesme proposition en grand secret? Ilz eussent du moins sauvé en quelque sorte leur réputation cachans la honte d’une extrême foiblesse. Mais il se veoid que le plus grand fruict qu’ilz se sont promis d’en tirer conciste tout à avoir rendue publicque la proposition et que ç’a esté leur principalle visée pour les fins qui sont aisées à juger. Cependant on croid d’y apporter un sy bon ordre que sy dans l’essenciel ilz n’ont pas eu jusques icy grand avantage sur nous, ilz en auront encore moins dans les apparences où ilz ont voulu s’attacher.

Comme l’on faict icy un estat très particulier de tout ce qui vient de la part de Messieurs les Plénipotentiaires, on a eu de la peine à comprendre par quelle raison ilz ont tesmoigné faire tant de cas d’une semblable ouverture, ayans consenty d’en dépescher un courrier exprès et s’estans conjouiz avec la Reyne comme sy la paix estoit entre les mains de Sa Majesté et en sa pleine disposi- tion.

On auroit aussy souhaitté qu’en mesme temps que Messieurs les Plénipoten- tiaires ont donné part icy de la chose, eux-mesmes qui sont sur les lieux et qui voyent de près les dispositions d’un chacun eussent formé entre eux un advis touchant ce qu’ilz auroient estimé que Sa Majesté devoit respondre; et on faicttant de cas de leur jugement et de la cognoissance particulière qu’ilz ont de toutes choses que l’on a esté sur le point de leur dépescher un courrier sim- plement pour apprendre leurs sentimens avant que résouldre rien.

On envoye à Messieurs les Plénipotentiaires deux lettres de la Reyne qui leur apprendront les sentimens et les intentions de

5 Sa Majesté] im Konzept (AEArchives du Ministère des Affaires Etrangères, CPCorrespondance politique All. 59) und den Pariser Kopien (AEArchives du Ministère des Affaires Etrangères, CPCorrespondance politique All. 64 fol. 36–40; Ass. Nat. 272) folgt: sur la proposition des Espagnolz.