Nous attendons avec quelque impatience vostre responce sur le subjet de nostre entreveue. Cependant nous sommes obligéz de vous informer pour ne laisser passer aulcune chose sans en donner part à Messieurs les Ambassa- deurs de Suède que Monsieur Contarini nous a veuz depuis nostre dernière lettre

Nr. 70.

pour nous dire qu’il avoit faict sçavoir suivant nostre prière aux commissaires de l’Empereur nostre résolution de n’entrer point plus avant en négotiation avec eux, pas mesme pour remédier aux déffaults et difficultéz qui se rencontrent dans les pouvoirs, jusqu’à ce que nous eussions appris que le Comte d’Auersberg eust faict à Oznabrug la mesme communicationdes pouvoirs qui a esté faicte icy, et que lesdictz commissaires avoient paru estonnéz de cette difficulté de laquelle ilz avoient promis d’escrire audict Comte d’Auersberg et de faire sçavoir en peu de temps sa responce. Quoy- qu’ilz ayent voulu faire cognoistre qu’ilz n’estoient point informéz des raisons qui avoient meu ledict Comte à faire ce reffus, ilz n’ont pas laissé d’en alléguer deux. La première, que le Sieur de Langermain faisoit de con- tinuelles protestations qu’on ne pouvoit entrer en aulcune négotiation sans la médiation de son maistre de laquelle il soustient qu’il ne doibt point estre exclus. La seconde, qu’il y a quelque temps que Monsieur Salvius déclara que Monsieur Oxenstiern et luy pourroient bien venir à la communication des pouvoirs, mais non pas passer plus outre jusques à ce qu’ilz eussent eu de nouveaux ordres de Suède, et qu’ainsy s’il y avoit du retardement, il ne venoit pas tant de leur costé que des ministres de Suède. A la vérité, comme nous avons treuvé la première de ces raisons un peu ridicule et que la pré- tention de Langerman est assez facessieuse quand il veult que son maistre soit Médiateur contre le gré des parties et sur des différens d’une Couronne qui luy faict la guerre, nous avons creu que la seconde estoit faulce et captieusement interpréttée contre l’intention de l’autheur, lequel aura peu faire cette responce avant que nous fussions tous assembléz, ne voulant peult estre pas déclarer que ce fust pour nous y attendre. Nous avons esté plus hardiz icy à descouvrir nos sentimens et avons bien voulu que noz parties apprissent pour une bonne fois que nous ne pouvions et ne voulions rien faire sans les ministres de la Couronne de Suède et tous nos autres alliéz, et qu’ilz se tromperoient toutes les fois qu’ilz auroient la pensée d’avancer les affaires en un lieu et les reculer en l’autre, et que le dessein qu’ilz pour- roient avoir de jetter par là quelque espèce de division entre nous ne leur réussira jamais. Nous avons faict veoir là dessus à Monsieur Contarini le traicté préliminaire

Hamburger Präliminarvertrag vom 25. Dezember 1641, Druck: Meiern I S. 8–10.

qui porte en termes exprès que les deux traictéz de Munster et d’Oznabruck marcheront d’un mesme pied et ne passeront que pour un. Nous y avons adjousté tant d’aultres raisons que nous croyons leur avoir faict approuver le juste subjet que nous avons de nous plaindre du procéder du Comte d’Auersberg qui nous oblige de croire que les facilitéz qu’on a faict semblant d’apporter icy n’ont esté faictes qu’à mauvaise fin. Nous vous prions de donner promptement part de ce que dessus à Messieurs les Ambassadeurs de Suède et de nous faire sçavoir au plustost leurs senti- mens. Cependant nous vous envoyons coppie des pouvoirs

Kopien nicht ermittelt; wahrscheinlich hat Rorté sie den schwedischen Gesandten ausgehändigt.

qui nous ont esté communicquéz que nous ne peusmes pas joindre à nostre précédente despesche. Vous nous obligerez de nous mander le jugement que ces Mes- sieurs en feront après les avoir examinéz. Sy en mesme temps vous pouviez tirer une coppie du leur et nous l’envoyer, cela nous serviroit beaucoup. Mais il en fault faire la demande doucement et sans affectation.