24

Minden 1643 September 6/16

Kopie als Beilage 1 der Nr. 29 u. Nr. 34

Gründe für Aufschub der Anreise zu den Kongreßorten.

Quas mihi de 3./13. Septembr. excellentia vestra commendavit literas, recte cum meis Hamburgam curavi. Laetor autem, quod tam e vestris quam publica fama perceperim illustrissimos sacrae regiae majestatis Daniae legatos Osnabrugam venisse. Voluimus etiam nos ad diem condic- tum accedere, nec etiamnum ullum in nobis est impedimentum. Etsi enim collega noster tertius nondum advenerit, plenipotentia tamen nostra unius absentia non obstante etiam in duos sufficienter concepta est. Causae vero morae nostrae sunt, imprimis quod nihil adhuc de caeterorum caesareae maiestatis legatorum adventu audiamus. Cum fama ferat praeter illustrissi- mum dominum comitem ab Auersperg et dominum Cranium etiamnum plures expectari. Deinde Vienna scribitur ibi adhuc laborari in confi- ciendo imperialium legatorum instructione; Caesarem praeterea nuper suis Francofurtum deputatis mandasse, ne ullo modo paterentur ordines imperii ad tractatus generales mittere, se quoque, quantum posset, dilaturum suorum expeditionem certa spe fretum fore, dass Gallas würdein kurtzem einen glücklichen streich thun, darauff sich alss dann die tractaten desto besser fügen würden etc., ut sonant referentis formalia. Quae cum ita sint, nec quidquam adhuc audiatur de Gallicorum et electoralium legatorum motu, constituimus hic tantisper subsistere, dum de omnium, quorum interest, propinquiori accessu edoceamur, quando, unius tantum diei itinere Osnabruga distantes, mature satis nos sectari poterimus. Haec amicissimis vestris respondere volui, ne vacuus rediret tabellarius …